因有工作在身而缺席台慶頒獎禮的林峯，昨日偕樂易玲出席無綫活動時表示，已傳短訊恭喜鄭嘉穎及胡杏兒，談及大熱謝天華食白果，他說：「呢個有少少Surprise，但每個人都有自己心水，有支持自己嘅觀眾先係最重要，攞獎只係Bonus！」他亦有份角逐視帝，可惜最終5強不入，他說：「係呀！咁我咪可以做自己嘢囉！我要準備專輯，來年希望每個平台都可以平衡發展。」下月底他將拍攝新劇，並首次演紀律部隊，問到是否選拍有獎攞又有發揮的劇，他說：「監製知我哋演咩角色有得發揮，有時出外工作，的確多咗搵銀機會。」此外，談及年底的樂壇頒獎禮，他坦言恨攞最受歡迎男歌星獎：「梗係希望攞啦！但我唔會畀太大壓力自己。」
沒有留言:
張貼留言