李彩華請私人保安巡樓

藝人紛紛北上掘金，部分曾遇上內地治安問題造成人身和財物威脅，當中李彩華和杜汶澤各有自保方法！李彩華說：「近年太多酒店保安問題，依家我會自聘保安人員喺酒店樓層看守，防止陌生人嚟我房，貴重嘢會放喺房內夾萬，床頭仲會有個對講機，直接聯絡到樓層保安、鄰房化妝師同助手，有咩事都有照應。」而杜汶澤驚聞江若琳被爆竊：「江若琳都係黑仔㗎嘞！我身為學武之人比較安全，但我返內地工作都好少帶貴重嘢，財物都會放喺夾萬，如果冇夾萬就會放晒喺背包，背包就跟身放喺床頭！」