B女旺父Good Luck

近日是非不斷的陳浩民為初生女兒取名陳雅薷，寓意知書識禮！堪輿學家陳子才批算，浩民愛女的命格及名字，可為浩民帶來運氣：「佢個女嘅名字改得唔錯，『雅』字代表典雅，『薷』有儒家思想嘅意思，成個名同思想有關係，佢個女第時會好聰明同有思想。命格方面，BB出生嘅時辰屬於『三奇加會』，係父母嘅福星，尤其會為父親帶來運氣，不過，BB今年父母宮出現是非，甚至有官非，所以呢位B女將來會為陳家帶來好運，但呢段時間唔會化解佢嘅是非，要過埋明年立春先解決到件事。」